من نبغ الكلام ***هاذي ليـــكم خاوتي

يالغادية للبـــاز شحال تصوري غير أرجعي لداركم وانا لي نخلص الشهر
وشحال تغيضيني عمــري ميـن تبكري ونقول ذي المغبونة ماعندها زهر
العين الكحلة والصاك بيه تغيري الناس تعشق فيك وانتي ماجايبة خبر
حيـن تســمـعـي كلامـي فـكـري راه بـالـي وغـــــزالـي تحـت الـــــقمر
دسي ســـــراري بلا ماتخــــبري عييت ماـــــــــنصبر ومانفـــــعني صبر
هاتــي يـــدك مــع يـــــدي نشورو الأيام رايحة لا بغى نطيحو في البحر
انا يالهندي منقولش عـلى لي جاني في البال ومانقولش على الزهر
انــــــا لـــــساني يـــــــوزن إذا قــــــال ونـــعـــرف كـــيـــفـــاه نــهـــدر
أنا عشت غير شوسة وشفت واش عاشت الرجال ومن الدنيا هادي حفظت غي سطر
ونــــــعــــرف الـــحـــلال مــن الــحـــلال ونـــبـــين الأبـــيض من الأصفر
الراجـــل كـــلمـــتو هــــي راس الــــمال والـــنيف إذا طـــاح تـــــكسر
وكــيــف كــيــف عـــنـــدي الــمـــرأة بــــالأفـعال بلي تبكر وبلي تسهر
إذا فــــي الـــصــغر بـــزاف الـــحال والريـــــح ياخويا يقيس قاع الشجر
وإذا كـــبـرت والـــنــوار ذبـــــال يـــليــــق تـــــعاود روحها قبل ماتطفر
واش العيب في اللي يسقسي ويسال ربي سبحانو على ماليح يدبر
العيــب فـــي اللي يــدرق الشمس بالغربال هو يـزيد في الماء للبحر
رانـــي سمـــعتــــك واش قــال الـــفال الله يــــرحــم والله يـــغـــفــــر