ازاى تجذب بنت ليك ؟؟؟؟

فى سنة 1950

كنت تقف فى البلكونة و تلعب حواجبك وتبصلها و فتح الراديو وتعلية على اغنية فريد الاطرش (علشان مليش غيرك) وتقولها عايز انول الرضا


فى سنة 1970


كنت بتتمشى بعربيتك الفولكس اللى شبة علبة السردين دى ومشغل راديو العربية
على عبد الحليم حافظ (عشانك يا قمر)وتقرب عليها وتقولها هو القمر بيطلع
الصبح


فى سنة 1990


كنت بتركب اتوبيس الشعب (اتوبيس النقل العام )وانت لابس البدلة الكروهات
اللى الونها غريبة وفى ايدك اليمين شايل كيس ورق فية برتقال والايد التانية
فيها بطيخة وتقف جنب البنت وتميل على سواق الاتوبيس وتوشوشة يشغل عدوية
(يا بنت السلطان) وتقولها بيقولو المشى على الكورنيش فى المغربية بيرد
الروح ومع زر بطاطا وقرطاس ترمس بيقوى الصحة


فى سنة 2011


كنت بتقعد فى الجامعة بتعتك وانت لابس بنطلونك المتسقط ومبين البوكسر بتاع
قطونيل وحاطط الجل بتاعك ومشغل موبيل على تامر حسنى (اكتر حاجة بحبها
فيكى )

وحاطط رجل على رجل وهى اللى تجيلك لغاية عندك وتتأمر عليها كمان

يا سلام على الحب.........


ويعالم بالجى؟؟؟؟؟؟؟


تفتكرو انهو طريقة احسن؟؟؟

امضاء
*R.S.D*